(Izarra, 1945). Arabarra, Gorbeia aldekoa. Filosofia eta medikuntza ikasketak egin ditu. Urte askoan, gelaz gela, “filosofia zer den” galdetzen ibili da. Izan ere, filosofotzat hartzen du bere burua. Bere maisu handiak Platon, Marx eta Nietzsche dira. Kapela eta moda filosofikoetatik belak betean aldentzen da, filosofia berri baten bila dabil eta. Idazle berantiarra (bere lehenengo liburua, Txalapartaren oihartzuna, erretreta hartu ondoren argitaratu du) eta zalantzatia da. Idatzi gabe, halere, ez daki bizitzen.