(Oiartzun, 1956). Irungo Udal Euskaltegiko irakaslea. 2008 urte bukaeran bere lehengusu txikia, J. Andoni Iturrioz, haren aitak idatzitako memoriekin eta haren gaineko hainbat dokumenturekin etorri zitzaionean, ikusi zuen gure historia hurbileko hainbat gertakizunez hitz egiten zuen oso material interesgarria zela, bertan Manuelek, J. Andoniren aitak, gertakizun garrantzitsu haietan zuzenean parte hartu zuelarik. Kontakizunarekin liluratua, poliki-poliki memoria haiek osatzen eta berridazten hasi zen eta lortutako dokumentazioa eransten. Eta hori guztia modu xumean idatziz, esan dezakegu lortu duela irakurleok garai hartako gertakizunak askoz hurbilago sentitzea.