Hondarribiko eta irungo euskara

Txomin Sagarzazu

Hondarribiko eta Irungo hizkerak dialektologi alderditik aztertzea da liburu honen helburu nagusia: hizkuntz ezaugarri eta arau nagusien bilduma egin, eta zein ezaugarritan diren berdinak eta zeinetan ez agertzea. Era berean, hizkerok euskalkien sailkapenean duten kokaguneari buruzko argibideak ematea. Grabazio egokiak CDan jaso eta Loidi corpusa nahiz itsas lexikoaren inguruko galdeketa labur baten emaitzak eskaintzea da bigarren helburua, arlo honetako eta beste ikerketa-eremuetako ikertzaileek esku erara izateko, eta batez ere gure bailarako hizkerak hobeto ezagutu eta aintzat eman nahi dituztenek lanabes gehiago izateko.

Paperezkoa

11,50 €

Bidalketa gastuak kanpo

Bidalketak doan 40 €tik aurrera

Erosi

Txomin Sagarzazu

(Hondarribia, 1963). Donostian eta Gasteizen euskal filologi ikasketak egin eta gero, Donostiako Santo Tomas Lizeoan hasi zen euskara irakasle. Bordelen, Baionan eta Gasteizen lantegi bertsuan ibili ondoan, Santo Tomas Lizeora itzuli eta horretan aritzen da gaur egun. Hondarribiko euskara aztertzeko zaletasuna Juan Antonio Letamendia institutuko irakasleak piztu zionetik, zenbait lan idatzi ditu eta tesia lantzen ari da, Koldo Zuazo irakaslearen gidaritza eta aholkuak ondoan dituela: Acentos del Bidasoa: Hondarribia (1991, ASJU), José Ignacio Hualde irakaslearekin batera; Hondarribiko hizkera Roque Jazinto Salazarren predikuan (1778) (1992, Iker-7), Letamendiarekin batera; Hondarribiko mintzairazko ikuspegiak: Larramendi, Bonaparte, Azkue (1995, ASJU-ren gehigarriak) eta Urteren azentuaz (1996, ASJU).

Beste liburuak Alberdanian