Atzean utzi du XXI. mendeak lehenbiziko erdia. Teknologiak erraztu bide du bizitza. Erraztu eta baretu. Gizarteak ikasi ditu pertsona guztien eta bakoitzaren zorionerako joera desbideratuak saihestearen onurak. Horretarako, jakina, joera horiek garaiz antzematea da urratsik funtsezkoena. Nahiz ez bakarra. Eta ezer ere ez dago printzipio horren gainetik.
Loreak argi ikusten du norantz doan bere mundua, nora doan gizartea: aurrera, etengabeko progresioan, gero eta zorion beteago baterantz, perfekzio gero eta borobilagoa helburu. Eta perfekziorako bidaian, astunegi gertatu ohi da oroimenaren zama, garai bateko (gaurko?) ametsen karga
Baina gaztetasunak berezkoa du jakin-mina, eta Y andrea izengoitikoaren eskutik asetuko du Loreak berea. Eta jakin-minetik konpromisorako urratsa egitea planteatu beharko dio bere buruari, Sistemak anestesiatua nahi lukeen ikuspegi kritikoa bere baitan piztearekin batera.
Maite Darcelesek planteatzen digun distopia honetan, gaurko irakurlea eta bere mundua gara benetako gogoetagaiak. Ez baitirudi bihotzean daramagun mundua izango denik etorkizunetik epaituko gaituena
Espero zenaren kontra, Katniss irabazlea izan da Gose Jokoetan. Bera eta 12 Barrutiko beste tributua, Peeta Mellark, miraria badirudi ere, bizirik daude oraindik. Katnissek arindu handia sentitu behar luke, zoriontsua ere behar luke izan, bere familiarengana eta bere betiko adiskidearengana itzuli baita, Galerengana. Alabaina, ezer ez da Katnissek nahi lukeen bezala: Gale oso hotz dabil berarekin, Peetak bizkarra eman dio eta Kapitolioaren kontrako altxamendu bat izan delako hotsa hasi da zabaltzen. Eta Katnissek eta Peetak izan dute beharbada zerikusirik altxamendu horren sorreran
Katnissek barrutietako egongaiztasuna areagotu du bere harrimen handirako, eta ikaraz dago ez ote duen egoera baretzen asmatuko; eta ez daki gainera saiatu ere egin behar duen, horrexek beldurtzen du gehiena. Gero eta hurbilago dela Katniss eta Peeta Kapitolioaren Garaipenaren Itzuli ankerrean barrutiak bisitatzera joan behar duten unea, sekula baino larriagoa da egoera. Eta frogatzen ez badute, batere zalantzarik gabe, zoratu beharrean daudela elkarrekin maiteminduta, ondorioak ikaragarriak izango dira.
Dena sutan, Gose Jokoen trilogiaren bigarren nobela honetan, Suzanne Collinsek Katniss Everdeenen istorioa kontatzen jarraitzen du, eta gero eta proba gogorragoak jarriko dizkio
irakurlea behin eta berriz txundituz.
Martinen ama ez dago ongi, eta hura apur bat suspertu eta indarberritu dadin, bidaia bat antolatu diote Marokoko Atlas mendikatera. Baina Martinek han orkatila bihurritu, eta gurasoek Toubkal mendi aldera jarraitu duten bitartean, bera herrixka batean geratu da, amazig edo berbereen artean, argi edo komunik gabe, bakarrik eta nahasi.
Martin ez dago ongi, zaldi lasterketa batean ufaka eta ezinean doan astoaren antzera sentitzen da. Horrekin batera, 2000. urterako 1.001 gau falta dira, eta horrek ere izango du eraginik mutiko iruindarraren egonaldian
Homosexuala da Iñigo Lamarca, eta homosexualtasun horren aitortza ez ezik, homosexualitatea normaltasun osoz bizitzeko eskubidearen aldarria ere bada liburu hau. Homosexuala da Iñigo, bai. Baina ez hori bakarrik. Pertsona da oroz lehenik, bere gizartearekin konprometiturikoa. Nekez aurkituko du irakurleak hau baino lekukotza biluziago, zintzoago, benazkoagorik.
Greg gizajoa! Ez du, ez, batere bolada ona azkenaldi honetan. Rowley Jefferson lagun minak neska laguna egin du, eta, neska lagunarekin dabilenetik, ez dio berari kasu zipitzik egiten. Larria da egoera, atera kontuak: Manny anaia txikiak ere berak baino lagun gehiago ditu!
Baina Greg ez dago amore emateko prest, eta edozer gauza egitera erabakita dago, behingoz eskolako mutil ospetsuena izateko. Lortuko ote du bere helburua? Edo gizajo baten modura biziko da beti?
Maitasuna dabil airean
baina zer esan nahi du horrek Greg Heffley-rentzat?
Aurtengo San Balentin festak hankaz gora jarri du Gregen eskola. Pentsa!, azkenean bera ere mugitu da bikotekide bila! Laster konturatu da, ordea, bakarrik geratu daitekeela halako Gau Handian. Bere adiskide Rowleyk ere ez du bikotekiderik, baina hori gizajo baten kontsolagarria besterik ez da.
Halako batean, batere uste ez duenean, ordea, Gregek bikotea osatzea lortzen du. Baina Rowley ere hor dago eta
bikotean hiru sartzen al dira? Dena da posible. Baina ez dakigu nor izango den maitasun kontuan txapeldun.
Larri dago Greg Heffley. Baten batek kalteak eragin ditu eskolan, eta Greg da lehen susmagarria. Baina, behingoagatik, oraingo honetan errugabea da
edo halako zerbait.
Gregen arrastoaren atzetik dabil polizia, eta, orduan, elur-ekaitz batek etxean itxita uzten du Heffley familia osoa. Gregek badaki elurra urtzen denean, azalpenak eman beharko dituela, baina bitartean
ba al dago ezer okerragorik oporretan familiarekin etxean itxita geratzea baino?
Greg Heffley-k beti izan du hazteko gogoa. Orain, ordea, adinean aurrera doala, dena horren dibertigarria ote da?
Konturatu ere egin gabe neska eta mutilen festa mistoetako tentsiopean aurkitzen dugu, erantzukizun handiagoak hartuta eta adinari dagozkion aldaketa fisiologikoak agerian.
Erta, gainera, Rowleyrekin bere betiko lagunik onenarekin haserre dago. Onik aterako ote da aurrera? Edo amore eman behar ote du «EGIA GORDINA»ren aurrean?
Bizitza osoa daukagu Obabakoak, Moby Dick edo Kixote bezalako obra miresgarriak irakurtzeko, baina Tom Sawyer, Estepako otsoa, Ibrahim jauna eta Koranaren loreak edo esku artean daukazun Enigma bi, erantzun bat bezalako liburuak irakurtzeko urte gutxi baina preziatu batzuk dauzkagu, hain zuzen ere nerabezaroan gertuago eta irekiago baikaude bizitzaren xarma, misterioa eta abenturak deskubritzeko.
Emakume sugearen misterioa enigmak Euskal Herriko lehenaldira eta Birmaniara garamatza, adiskidetasuna eta lehen amodioak medio. Jentziren enigmak, ostera, India eta Himalaia ezagutaraziko dizkigu, abenturak eta malenkonia bidelagun. Erantzuna, baina, norberak bilatu beharko du
, eta hala ere ziur egon bi ipuin hauek amaitutakoan, batik bat garai egokian irakurriz gero, bidaia handi baten ostean bezalaxe sentituko zarela: desberdinago, zailduago, zaluago.
